2 этап Дзіцячай Лігі ChessHouse League.

Што такое Дзіцячая Ліга ChessHouse League
Цягам 2022/2023 навучальнага года ў межах Дзіцячай Лігі ChessHouse League пройдзе некалькі этапаў: турніраў па хуткіх шахматах сярод дзяцей да 10 і 14 гадоў.
Кожны турнір будзе аблічаны на міжнародны рэйтынг, што дасць магчымасць атрымаць рэйтынг ФІДЭ тым шахматыстам, у каго яшчэ яго няма, а астатнім - падвысіць свой рэйтынг.
У кожным турніры разыгрываецца камплект медалёў. А самае галоўнае - за кожны турнір удзельнікам будуць налічвацца заліковыя балы. Па выніках усіх турніраў вызначацца лепшыя шахматысты ў двух узроставых катэгорыях - тыя, хто набраў найбольшую суму заліковы балаў (за выняткам 2ух найгоршых вынікаў для кожнага ўдзельніка).
8 лепшых удзельнікаў у кожнай узроставай катэгорыі згуляюць на прыканцы Лігі ў 2 фінальных турнірах. Пераможца кожнага фінальнага турніру атрымае кубак, прызёры - медалі, а таксама грашовыя прызы.
1. Мэты і задачы.
- Развіццё і папулярызацыя шахмат сярод дзяцей.
- Атрыманне беларускімі шахматыстамі міжнароднага рэйтынгу.
- Павышэнне спартыўнага майстэрства юных шахматыстаў.
- Вызначэнне мацнейшых удзельнікаў.
2. Час і месца.
Спаборніцтвы праводзяцца ў клубе Шахматны дом (г. Мінск, вул.Дунін-Марцінкевіча, 4/2) 12 і 13 лістапада 2022г.
3. Сістэма правядзення.
Спаборніцтвы адбываюцца ў двух узроставых катэгорыях:
- Турнір да 14 год (2009 г.н. і мал)
- Турнір да 10 год (2013 г.н. і мал)
Спаборніцтвы праводзяцца па Правілах FIDE, якія дзейнічаюць на дзень пачатку турніру, па швейцарскай сістэме ў 7 тураў. Кантроль часу 10 хвілін на партыю плюс 5 секунд на ход кожнаму ўдзельніку. Удзельнік, які прапусціў партыю без паважнай прычыны і не папярэдзіў суддзяў, у лёсаванне наступнага тура не ўключаецца. Спаборніцтвы праводзяцца з аблікам рэйтынгу FIDE
4. Удзельнікі.
Да ўдзелу дапускаюцца шахматысты 2009 г.н. і маладзейшыя, якія не маюць на момант пачатку турніра прыкметаў захворвання і падвышанай тэмпературы.
Абавязковая ўмова ўдзелу для ўсіх шахматыстаў - наяўнасць ID FIDE.. Калі ў беларускага шахматыста няма ID FIDE, трэба паведаміць пра гэта падчас рэгістрацыі (пры рэгістрацыі на сайце - напісаць у адпаведным полі рэгістрацыйнай формы "няма"), тады ID FIDE будзе нададзены перад турнірам.
Абавязковая ўмова ўдзелу для беларускіх шахматыстаў - быць сябрам Беларускай федэрацыі шахмат і мець сплачаны ўнёсак у БФШ за 2022 год.
5. Судзейства забяспечваецца Судзейскай калегіяй: Галоўны суддзя Якушаў В.А. (FA), галоўны сакратар Барскі В.Я. (NA) У спрэчных сітуацыях рашэнне Галоўнага суддзі з'яўляецца канчатковым.
6. Рэгістрацыя ўдзелу.
Рэгістрацыя ажыцяўляецца толькі з адначасовай аплатай турнірнага ўнёску. Рэгістрацыя з аплатай турнірнага ўнёску ў звычайным памеры ажыцяўляецца да дня пачатку кожнага турніра. Рэгістрацыя ў дзень турніру магчымая з 9:30 да 9:45 з аплатай унёску, павялічанага на 20%. Зарэгістравацца і аплаціць турнірны ўнёсак можна наступнымі спосабамі:
- па месцы правядзення турніру - у клубе Шахматны дом на вул.Дунін-Марцінкевіча, 4/2 з аплатай наяўнымі ці банкаўскай карткай (у працоўны час клуба)
- у клубе Шахматны дом на пр.Партызанскім, 30А з аплатай наяўнымі ці банкаўскай карткай (у працоўны час клуба)
- у клубе Шахматны дом на вул.Усходняй, 56 з аплатай наяўнымі ці банкаўскай карткай (у працоўны час клуба)
- на сайце клуба з аплатай праз сістэму "Аплаці", ці праз АРІП, ці банкаўскай карткай праз Інтэрнэт (кругласуткава) https://chesshouse.by/be/tournaments/chesshouse-league-2023-etap-2#registration
Колькасць удзельнікаў абмежаваная! Пры рэгістрацыі ўсіх удзельнікаў, якіх можа ўмесціць турнірная зала, рэгістрацыя спыняецца.
7. Унёскі.
Унёсак за ўдзел у турніры складае 40 рублёў для ўсіх шахматыстаў (сяброў іншых нацыянальных федэрацый), 30 рублёў для сяброў БФШ і 25 рублёў для сяброў клуба Шахматны дом. Пры рэгістрацыі ў дзень турніру ўнёсак павялічваецца на 20%.
- 12.11: 10:00 - адкрыццё спаборніцтваў, 10:15 – 1–7 тур, пасля 4 туру перапынак на сок і пячэнне;
- Праз 15 хвілін пасля заканчэння апошняга туру - закрыццё спаборніцтваў.
- 13.11: 10:00 - адкрыццё спаборніцтваў, 10:15 – 1–7 тур, пасля 4 туру перапынак на сок і пячэнне;
- Праз 15 хвілін пасля заканчэння апошняга туру - закрыццё спаборніцтваў.
Месцы ўдзельнікаў вызначаюцца па найбольшай колькасці набраных балаў. У выпадку роўнасці балаў у двух і больш удзельнікаў парадак вызначаецца па дадатковых каэфіцыентах:
1. Каэфіцыент Бухгольца усечаны (без найгоршага выніку)
2. Каэфіцыент Бухгольца
3. Каэфіцыент Бергера
10. Узнагароджанне удзельнікаў.
Пераможца і прызёры ўзнагароджваюцца медалямі, усе ўдзельнікі ўзнагароджваюцца дыпломамі.
Усе ўдзельнікі атрымліваюць заліковыя балы ў агульны залік Дзіцячай Лігі ChessHouse League згодна з палажэннем аб Дзіцячай Лізе.
11. Узнагароджанне трэнераў.
Трэнер пераможцы турніру ўзнагароджваецца дыпломам. Усе трэнеры ўдзельнікаў падчас турніру забяспечваюцца бясплатнай кавай.
12. Дадатковая інфармацыя.
Удзельнікі з прыкметамі захворвання і падвышанай тэмпературай да ўдзелу ў турніры не дапускаюцца.
Удзел у турніры азначае згоду з усімі пунктамі дадзенага Палажэння.
Арганізатар спаборніцтваў Клуб Шахматны дом
Арганізатар спаборніцтваў пакідае за сабой права ўносіць абгрунтаваныя змены ў дадзенае Палажэнне.
Канчатковае тлумачэнне дадзенага Палажэння застаецца за арганізатарам спаборніцтваў.